Davao City – Hangtod karon wa pa madakpi ang suspetsado nga mipusil sa 16 anyos nga estudyante samtang nagtuon sa iyang leksyon sulod sa ilang panimalay sa Matanao, Davao Del Sur.
Ang biktima mao si Editho Tupaz Vender Jr. usa ka grade 10 sa Matanao National High School ug nagpuyo sa Dungan Pekong, Matanao Davao del Sur.
Sa imbestigasyon nasayran nga kasamtangan nag tuon ang biktima sa dihang dunay mipusil sa bong-bong sa ilang balay gamit ang 12 gauge shotgun gikan sa wala mailhing suspetsado igo sa iyang ulo.
Subay sa report sa kapolisan sa Matanao, wala pa masayri ang motibo ug padayon pang giila ang mamumuno.
Sa pagkakaron padayon pa nga gitambalan pa sa Southern Philippines Medical Center (SPMC) ang biktima.
RadyoMaN Bernard Pantallon
Facebook Comments
