Siguradong hugot nga mabantayan sa awtoridad sa Davao City Police Office ang tanang lugar diin himuon ang mga aktibidad sa ika-81st Araw ng Davao.
Iimplementa sa kapulisan sa tabang sa laing security forces ang maximum security measures aron masegurong luwas ang katawhan ilabina ang mga bisita dinhi sa lungsod atol sa usa ka bulan nga aktibidad sa Araw ng Davao, kini matud ni DCPO Director Alexander Tagum.
Dugang pa ni Tagum, mag-deploy pa ug dugang mga personahe gikan sa Police Regional Office XI ug mga force multipliers aron wala gayuy makalusot nga mga dautang tawo nga buot musabwag og kasamok sa dakbayan.
Nagpahimangno ang kapulisan nga dili magdala og gibawal nga mga butang sama sa backpack, kutsilyo, armas sa mga event areas diin pagahimuon ang mga aktibidad.
