Roxas City, Capiz – Gin-appoint ni Pope Francis ang 13 ka mga bag-o nga 13 ka mga cardinals kun sa diin kalakip diri amu si Archbishop Jose Advincula sang Archdiocese of Capiz.
Ang nasambitan nga announcement ang kadungan sa ginpatigayon nga Sunday Angelus sa Vatican.
Si Advincula ang mangin ika-siyam(9) nga cardinal halin sa Pilipinas, kasunod kanday cardinals Orlando Quevedo, Luis Antonio Tagle, Gaudencio Rosales, Jose Sanchez, Ricardo Vidal, Jaime Sin, Julio Rosales kag Rufino Santos.
Sa edad nga 68, isa si Advincula sa siyam(9) ka mga bag-o nga cardinals nga eligible nga makaboto sa conclave samtanga ang apat(4) ka iban pa ang nagapang-edaron sang 80-anyos pasaka.
Siya man ang isa sa apat ka mga buhi nga Filipino cardinals kaupod sanday Rosales, Quevedo kag Tagle, nga membro sang Congregation for the Evangelization of Peoples sang Vatican.
Si Advincula ang nahibaluan nga nagaserbe bilang archbishop sang Archdiocese of Capiz umpisa sadtong Enero 2012.
Ini ang ginbun-ag sa banwa sang Dumalag, Capiz kag na-ordinahan bilang pari sadtong 1976.
Sang 2001, na-appoint siya bilang obispo sang San Carlos kun sa diin nagserbe ini sang kapin sa napulo(10) ka tuig tubtob nga ginsaylo siya sa Capiz para nga mangin ika-apat nga arsobispo sang archdiocese.
Si Advincula ang vice-chairman man sang Committee on International Eucharistic Congress and the Office on Women sang Catholic Bishops Conference of the Philippines(CBCP).
via I CBCP
