Padayon karon nga nagpaayo sa Polymedic hospital ning syudad si Architect Rey Galua tungod sa gibati niini sa kasingkasing.
Matud ni SPO4 Noel Oclarit, ang Head investigator sa Criminal Investigation and Detection Group kon CIDG-Cagayan de Oro, nga sa karon ila pang i-request ang tanang test ni Architect Galua, aron nga ilang mapa-counter sa mga government doctors ug mahibaw-an ang kahimtang sa iyang panlawas.
Sa kabahin sa pahayag ni Atty. Art Ubaub nga adunay planted nga mga ebedensiya nga gibutang ang CIDG sa panimalay sa suspek, natural lamang matud pa nga i-deny niini ang mga ebedensiya nga nakuha.
Dugang pa ni SPO4 Oclarit, nga sukadsukad sa ilang pag-searved og search warrant, wala sukad nga giangkon sa suspek nga sila ang tag-iya sa mga nakuhang ebedensiya.
Samtang adunay uban nga mga witnesses ang CIDG Cagayan de Oro, sa matag ronda nila sa panimalay ni Architect Rey Galua.
Matud ni SPO4 Noel Oclarit sa CIDG nga kini mao ang duha ka barangay kagawad sa Barangay Lumbia, ug ang Kapitan mismo sa Barangay Canitoan.
Dugang pa ni SPO4 Oclarit, nga alegasyon lang usab ni Atty. Art Ubaub nga adunay duha ka polis nga sikretong gipasulod atol sa operasyon, tungod kay wala silay gipasulod nga tawo hangtud nga wala makaabot ang mga local barangay official.
Ang pahayag ni SPO4 Noel Oclarit, ang Head investigator sa CIDG Cagayan de Oro, atol sa interview sa DXCC tatak RMN.
By: RadyoMaN Mishelle Mesias-Enloran
