Pasakaan na og kaso karong adlawa sa Criminal Investigation and Detection Group o CIDG ang usa ka architect.
Kini human nakuhaan og upat ka armas, mga bala ug duha ka Granada.
Ang suspek mao ang 43 anyos nga si Architect Rey Galua nga taga Pueblo de Oro Gold Estate, Upper Canitoan ning syudad sa Cagayan de Oro.
Matud ni CIDG Commanding Officer Police Supt. Melgar Devaras nga kasong illegal possession of firearms and explosives ang ipasaka batok ni Galua.
Gibutyag usab ni Devaras nga nakadawat sila og report nga dunay mga illegal nga armas ang maong architect maong gihimo nila ang surveillance ug gi-applyan og search warrant.
Nasikop si Galua alas nuebe kagahapon sa buntag sa ilang balay kung saan nakuha ang mga illegal nga armas, bala ug granada.
By: RadyoMaN Annaliza A. Reyes
PC: RadyoMaN Anne Jane Duhaylungsod
