Panit-an, Capiz – Arestado sang mga katapo sang Criminal Investigation and Detection Group (CIDG-Capiz) ang 59-anyos nga ex-convict matapos makuhaan sang mga armas kag bala sa ginpatigayon nga search warrant operation sang kapulisan sa ila poluy-an sa Barangay Bahit, Panit-an, Capiz.
Nakuha sa poluy-an ni Berto Dario ang isa ka 38 caliber revolver kag mga bala,12 gauge shotgun nga may magazine nga kag 8 ka live ammo.
Ginpahayag ni Police Major Chris Artemius Devaras, hepe sang CIDG-Capiz nga duha ka semana nga ginpaidalum sa monitoring si Dario matapos nakabaton sang impormasyon nga nagapalupok ini sang armas sa tagsa ka mahubog.
Magapangatubang sang kaso nga paglapas sa RA 10591 ukon Comprehensive Law on Firearmas and Ammunitions Regulation Act ang suspek nga si Berto Dario.
