Quezon City – Arestado ang isang Grab driver matapos mahulihan ng shabu sa buy-bust operation na ikinasa ng Police station 10 ng QCPD sa Quezon City.
Kinilala ni QCPD Director Joselito Esquivel ang arestado na si Daniel Ordoñez , 28-anyos at residente ng Yakal Street Barangay Amihan Project 3 Quezon City.
Batay sa report, nahulog si Ordenez sa drug buy-bust na inilatag kaninang 8:30AM sa Kamias Road tapat ng 7/11 convenience malapit sa kanto ng EDSA Barangay Pinyahan Quezon City.
Nakuha mula sa suspect ang tatlong small size heat sealed transparent plastic sachet ng hinihinalang shabu na nagkakahalaga ng value P500.00 bawat isa, marked money at isang unit cellular phone Samsung A5 color black na ginagamit niya sa transaksyon.
Kakasuhan ang suspek ng paglabag sa Violation of Section 5 and Section 11 Article II of RA 9165.
