SILAY CITY, NEGROS OCCIDENTAL – Natigayon nga madakpan sang mga utoridad ang isa ka persona nga may warrant of arrest bangud man sa kaso nga rape kahapon sang hapon sa Brgy. Guinhalaran, Silay City.
Ang suspek nakilala kay Karl Santander, 18 anyos ang edad, pumuluyo sang Seaview Subdivision, Brgy. Guinhalaran, ciudad sang Silay.
Suno sa Silay City Police Station nga may mga las 4:20 kahapon sang hapon, ila ginserbe ang warrant of arrest batuk kay Santander sa iya mismo puluy-an.
Si Santander ang may warrant of arrest bangud man sa kaso niya nga rape by sexual abuse.
Kapin 120 mil pesos ang ginrekomendar nga bailbond sang korte para sa temporaryo nga kahilwayan sang suspek.
Sa karon do Santander ang detained na sa custodial facility sang Silay City Police Station./dyHB BACOLOD
