Armado nga grupo, ‘aksidente’ nga napusil an ira kaupod matapos pamumusilon an mga panimalay ha Samar

1719

TACLOBAN CITY – Aksidente nga napusil han mga armado nga kalalakin-an an ira kaupod matapos pauranan hin bala an mga panimalay ha San Antonio, Gandara, Samar kakulop, April 12.

Sumala han report tikang ha Police Regional Office 8, ginkilala an namatay nga hi Zosimo Casaljay nga naatubang hin warrant of arrest ha kaso nga murder ha Regional Trial Court (RTC) Branch 41 ha Gandara.

Sumala han mga witness, ginbayaan han mga kaurupan nga armado nga grupo hi Casaljay matapos mapusil ini ngan naigo ha ulo.

Sumala kan Brgy. Konsehal Mylene Cabagtong, tigda nala nga nagpakita an mga armado nga grupo ha ira barangay alas 4:00 han kulop ngan ginpa uranan hin bala an mga panimalay nira barangay kapitan Ramon Corocoto Sr., barangay konsehal Emilda Calagos, Maria Cailo, ngan Arjay Cailo.

Nakagtago an mga biktima durante han pag atake han armado nga grupo nga mayada mga de kalibri nga pusil.

Narekober han Gandara PNP ha crime scene an 15 nga Federal Cartridge Corporation (FCC) of 5.56mm nga pusil, 1 nga FCC han 7.62mm nha pusil, usa nga 7.62mm nga pusil, tulo nga FCC caliber 45 nga pusil, tulo nga caliber 9mm nga pusil ngan mga bala.

Nareport gihap han mga witness ha mga otoridad an pangilal-an han mga suspek.

Nagdudumara na hin hot pursuit operation an mga otoridad para maaresto an mga gunmen.

Facebook Comments

From Advertisers