Davao City-Wala gi-relax sa Task Force Davao ang seguridad sa Davao City aron maseguro lamang nga luwas kini batok sa mga hulga sa terorismo ug sa posibleng himuong spill over sa lima ka bulang gubat didto sa Marawi City.
Kini maoy gibutyag ni Task Force Davao Deputy Commander LTC Randolph Cabangbang.
Gipalig-on sa armadong kusog ang tanang mga checkpoints ug gipailawom ang mga kasundaluhan og mga re-training.
Gipalapdan usab sa Task Force Davao ang ilang intelligence monitoring.
Bisan pa man nga headless na ang mga teroristang grupo nga niataki didto sa Marawi human napatay ang ilang mga lider, wala mikumpansya ang mga kasundaluhan sa himuong pagpanimalos sa mga teroristang grupo nga nisimpatiya sa mga Maute.
Samtang segun ni Eastern Mindanao Command Spokesperson Major Ezra Balagtey nga kanunay ang ilang ginapahigayong violent extremism forum silbing paghatag og mga impormasyon sa publiko.
RadyoMan Aimee Guinita
