General Santos City—usa lang ka pusil ang gigamit sa pagpatay sa duha ka mga kristo sa sabongan sa Barangay Mabuhay ning syudad niadtong milabay nga simana, mao kini ang nahimong pagbutyag ni Police Chief Inspector Hoover Antonio ang hepe sa police station 4.
sumala pa ni Antonio nga basi matud pa sa gihimong cross matching examination sa mga narecover nga ebidensya sa duha ka crime scene sa brgy. Mabuhay migula nga usa lang ka armas ang gigamit sa mga suspect.
samtang basi matud pa sa ilang nahimong imbistigasyon giangkon matud pa sa usa sa mga kabanay sa biktima nga si Ryan Valdivieso nga nag lambigit sa droga ang biktima, samtang padayon pa usab nga ginasuta ang motibo sa pagpamusil kang Eduard Heramil.
dugang pa ni PCI Antonio nga ilang ginatan-aw ang tanang posibleng motibo sa pag pamusil sa mga biktima ug nganong sunod sunod nang gipamusil ang mga Kristo sa sabungan sa ilang AOR. (Dave Silagan)
