Ramon Magsaysay, Zamboanga del Sur – Anaa na karon sa kustodiya sa kapulisan sa Ramon Magsaysay ang usa ka mag-uuma human positibong nakuhaan ug armas ug mga bala sa mismong panimalay niini Purok 3, Barangay Magsaysay, Ramon Magsaysay, Zamboanga del Sur.
Naghugpong ang kapulisan sa Ramon Magsaysay ug ang 902nd MC, RMFB sa pagsilbi sa search warrant no. 86 nga gipagawas kaniadtong Pebrero 24, 2020 ni Judge Carol M. Morales, Presiding Judge sa 9th Judicial Region, 1st Municipal trial Court, Tambulig, Zamboanga del Sur, ug ang acting Presiding Judge usab sa 10th Municipal Circuit Trial Court sa Ramon Magsaysay-Midsalip-Sominot, Ramon Magsaysay, Zamboanga del Sur.
Nakumpiska sa maong operasyon ang usa ka homemade shotgun ug ang duha ka 12 gauge live ammunition.
Giposasan gidayon ang tag-iya niini nga si Reynante Abayon Alci, 35 anyos, minyo, ug residente sa nasangpit nga dapit.
Kasong paglapas sa R.A. 10591 kon ang mas nailang “Comprehensive Firearms and Ammunition Regulation Act” ang kasong pagaatubangon sa dinakpan.
