Ginbawian sang kabuhi ang myembro sang 62nd Infantry Brigade Philippine Army matapos ginbanggaan sang mga katapo sang New Peoples’ Army (NPA) kag ginpaarakan sang luthang pasado las Cinco kahapon, Hulyo 1, sa Sitio Compound, Barangay Luz syudad sang Guihulngan, Negros Oriental.
Ginkilala ang biktima kay Corporal Mark Anthony Quioschon, legal ang edad kag pumuluyo sang syudad sang Himamaylan.
Si Quioschon, ang myembro sang 62 IBPA nga nahamtang sa Barangay Libas banwa sang Isabela.
Suno sa inisyal nga imbestigasyon sang mga kapulisan, halin sa kampo sang 62 IBPA ang biktima sang ini ang magapadulong na kuntani sa iya assignment bilang Community Support Program (CSP) sa Barangay Banaugue, Guihulngan City sang ini siya ang ginbanggaan sang mga armado nga NPA kag gin-paarakan sang luthang tubtob ginbawian sang kabuhi.
[image: image.png]
