Aron makuhaan ang kausa sa rebelyon ug mapadali ang pag-uswag sa nasud gikinahanglan na natong mag Federalismo.
Kini ang gibutyag ni Former Senate President Aquilino “Nene” Pimentel, Jr. atol sa gihimong forum kaganihang buntag dinhi sa syudad.
Sa maong kalihukan gipasabot ni Pimentel nga ang ilang papel isip miyembro sa Constitutional Committee mao lamang ang pagrekomendar ngadto kang Presidente Rodrigo Duterte ug sa duha ka balay balaoranan sa mga ideya o sugyot sa pag-usab sa batakang balaod aron mahimong usa ka federal Republic.
Matud ni Pimentel nga sa unang semana sa Hulyo ning tuiga, ilang ipasa kang Presidente Duterte ang ilang mga rekomendasyon aron mahatagan og higayon sa pagkonsiderar sa mga huna-huna sa pagbag-o sa konstitusyon sa panahon nga mohatag na siya sa iyang State of the Nation Address o SONA sa Hulyo 23 ning tuiga.
