ZAMBOANGA CITY—El pulis esperanzao ay planta el caso de arson contra con un persona con quien ta esinia el cuantos testigo que asegun amo el quien ya pone fuego na un casa na Kasanyangan donde ya resulta el muerte del dos persona de edad y ya man uput mas de cien casa.
El hefe del Tetuan Police Station si Superintendent Nonito Asdai ya confirma na RMN Zamboanga ya puede sila aresta con untal CHONG quien alegaomente amo el hechor del incendio.
Si Asdai ya habla que mismo el maga victima del quema amo el ya dale informacion canila aserca con Chong quien asegun amo ya sindi con el un casa y ya man calayat el fuego na mas de cien maga casarias.
Arson y double homicide amo el possible maga caso que ay enfrenta si Chong pero asegun con Asdai ay tene sila que larga temporariamente con el suspechao porcausa ya man lampas ya na 36 hora despues el incidente.
“Normal filing” lang asegun el plantada del caso contra con Chong. – Dan Toribio
