Polomolok, South Cotabato–Dead on arrival sa hospital ang asawa, human gibunalan ug martilyo sa kaugalingon niining bana sa may Purok Maria Rosa, Barangay Poblacion, Polomolok, South Cotabato niadtong nakalabayng adlaw.
Nasayran nga una nang nakadawat ug report ang Polomolok PNP bahin sa maong insidente kansa gilayong girespondihan sa duty WCPD investigator uban ang SWAT team sa Polomolok Municipal Police Station .
Sa gihimong imbistigasyon sa kapulisn, nasuta nga 6:00 sa buntag dihang naglalis ang magtiayong silang si Ricky Gumapac Penido, 40-anyos empleyado ug Shiella Ynot Penido, 37 āanyos, self-employed susamang residente sa maong lugar.
Ang init nga lalis sa magtiayon nag-luntad human nga giakusahan sa bana ang iyang asawa nga adunay laing karelasyon, didto na nahitabo ang pagpamunal sa suspek ug martilyo sa iyang asawa.
Gilayong gidala sa ospital ang biktima, apan gideklara kining dead on arrival (DOA) sa iyang attending physician.
Malampuson usab nga nadakpan ang suspek nga bana atol sa pagresponde sa kapulisan. Gikaingong nisuway pa kini ug sibat apan naabtan sentrong bahin sa lungsod sa Polomolok ug malampuson nga nasikop.
Kasong Parricide ang gipasang-at sa Polomolok PNP ngadto sa suspetsado ug commitment order nalang ang gipaabot aron nga mabalhin na kini sa South Cotabato Provincial Jail.
