Dakup sang otoridad ang isa ka 31 anyos nga call center agent matapus nga gin-alegar ginpilit sini dal-on ang isa ka babayi sa reclamation area syudad sang Bacolod, las 11:45 sang gab-i, Disyembre 8.
Sa record sang Police Station 2, ginkilala ang nadakpan kay Felix Feria, residente sang Feria St., Barangay Robles banwa sang La Castellana, Negros Occidental.
Nakabaton sang complaint ang kapulisan halin kay Chessa Celiz, 23 anyos, residente sang Purok Ylac, Barangay 1 syudad sang Bacolod nga nagapangayo sang bulig ang iya abyan nga si Mary Flor Salonoy sakay sa Honda Civic nga nagaduag itom nga ginamaneho ni Feria.
Pahayag ni Police Captain Leo Estopa, hepe sang Police Station 2, mapadul-ong kuntani pauli sa ila balay si Salonoy ugaling gindala ini sang lalaki sa reclamation area.
Sa pagresponde sang pulis, nakuha halin kay Feria ang isa ka .45 calibre pistol kag tatlo ka bala. Sa karon detained si Feria sa Police Station 2.
[image: image.png]
