KABANKALAN CITY – Dakop sa akto sang bana nga si Dennis Laureta, 49, sang Purok Narra, Tabugon ang iya nga misis nga may hulid nga iban nga lalaki sa isa ka magamay nga kamalig sa unahan manlang sang ila nga balay.
Ang amu nga hitabo nagresulta naman sang kremin sa diin napatay niya ang kerido nga 62 anyos nga nakilala kay Reynaldo Ynoraria.
Sa pagpangusisa sang dyHB, las 3 pasado sang hapon sang iya ginsundan ang iya asawa padulong sa kamalig, masobra lang isa ka kilometro ang antad sa ila balay.
Nagpulupanilag ini tubtob nga nakit-an nya may nagahulat didto nga lalaki.
Pagkaligad sang pila ka minutos, naghipos kag didto na nga ginsulod nya ang kamalig kag iya nakit-an nga hublas ang duha kag nagakup-anay.
Gilayon nya nga ginlabo ang kerido pero nakapalagyo apang naabtan gihapon ini sang hubin nga bana kag ginlabo sang makapila ka beses.
Dead on the spot ang kerido bangod man sa patal nga pilas sa nagkalain lain nga bahin sang iya nga lawas.
Bangod man sa kainit napatup-an nya man ang iya misis sang inumol sa nawong.
Si Dennis kag ang iya nga misis ang may siyam tanan ka mga kabataan.
Matapos ang kremin, gilayon naman nagsungka ang suspek ara subong sa custodial facility sang Kabankalan Police Station.
