General Santos City–Nagpatala sa Police Station 3 ang usa ka Alias Allan, 48 anyos usa ka mag-uuma nga nanimuyo sa Purok Cogon, Barangay Small Margus, Glan, probinsya sa Sarangani human nga masayran niini nga adunay laing karelasyon ang iyang asawa nga si Mary Jane legal age, temporaryong nag puyo sa Gensan.
Sumala pa nga naka-abot nalang sa biktima ang impormasyon nga ang iyahang asawa ug ang usa ka Alias Roland nag ipon na sa usa ka boarding house nga nahimutang sa Pioneer Village, Barangay Lagao.
Gikumperma man usab kini sa nanag-iya sa maong boarding house nga anaa gayud didto nagpuyo ang duruha gikan pa niadtong June 15 hangtod July 17, kung diin magtiayon ang ilang pagpaila ngadto sa maong lugar.
Human niini, gimaymayan nalang sa kapulisan ang biktima nga mudangop ug abogado alang sa legal nga aksyon batok sa iyang asawa ingon man sa kukadidang niini.(Dave Silagan)
