General Santos City–Hugtanong seguridad na ang gipatuman sa kapulisan sa probinsya sa Sarangani dungan sa selebrasyon sa 26th foundation anniversary ug 16 Munato Festival sa probinsya nga ipahigayon sa Sarangani Provincial Capitol sugod karong adlawa.
Sumala ni Police Supt. Edgar Yago ang operation chief sa Sarangani Police Office ug maoy ground commander sa selebrasyon nga daghang butang ang ilang gibawal sulod sa kapitolyo.
Tumong aron nga masiguro ang seguridad sa tanan nga mag lulingkayaw dungan sa selebrasyon.
Usa sa mga gibawal mao ang backpack, mga hait nga hinganiban, pusil, lighter, posporo ug uban pa.Hugtanong usab nga ipatuman ang no smocking sulod sa kapitolyo.
Tungod niini maymay ni Yago sa katawhan nga mahidangat sa kapitolyo dungan sa selebrasyon likayan ang pagdala sa mga butang nga ilang gibawal aron nga han-ay lang ang pagsulod sa mga katawhan sa capitol compound.
