Hangtud karon gipangita pa ni Franklin Quijano ang Administrator sa Phividec, Tagoloan, Misamis Oriental ang na missing niyang asawa.
Matud ni Quijano, nga naghangyo siya sa publiko nga kung kinsa man ang nakakita sa iyang asawa, mahimong mokontak sa 0926-611-0314.
Gibutyag ni Quijano nga nawala iyang asawa nga si Salma Theresa Bersales Gerona-Quijano niadtong adlawng Huwebes, Hunyo 27 samtang tua siya sa Manila ug gipahibalo na lang siya sa iyang ugangan nga lalaki.
Dugang pa ni Quijano nga sa karon wala pay impormasyon nga gihatag kanila ang kapolisan, hinungdan nga nagpatabang siya karon sa publiko.
Samtang dili matawagan sa iyang cellphone ang asawa ni Phividec Administrator Quijano.
Kini tungod kay nabilin ang cellphone niini sa ilang kwarto.
Matud ni Quijano, nga ang iyang mahimo lang mao ang paghangyo sa publiko nga kung kini Makita dali dayun nga i-report kaniya.
Nasayran nga ang tanang barkada, classmate, higala, sa iyang asawa ang napahibalo na ug mihatag ug suporta pinaagi sa pagsaad nga motabang sa pagpangita.
