Gidakop sa Joint Police operation Criminal Investigation and Detection group, CIDG sa Misamis Oriental, Elite group sa Philippine national Police, Special Action force (SAF ) , ug Regional Mobile force Battalion, RMFB, ang napolo ka mga tawo, bandang alas 3:00 kaganinang kadlawon May 28, sa barangay Malanaga, Claveria Misamis Oriental.
Si Master sergeant Noel Oclarit, nga membro sa CIDG sa Misamis Oriental, mipaila sa nga suspect nga sila si Mrs. Gertrudes Salvaleon, 67 years old, nga asawa ni kanhi Claveria Mayor Redentor Salvaleon, ug ang iyang anak nga si Reggan, 37 years old.
Lakip sa gipa-ila ni Oclarit, ang duha ka Civilian Guard sa Pamilya Salvaleon, nga sila si Christopher Pagara, 39 years old, ug ang iyang Magulang nga si Mario Pagara 49 years old.
Gidakop ug gipa-ila usab ni Oclarit, ang unom ka mga CAFGU, nga polos sakop sa 58th Infantry Battalion 58th IB, nga sila si Ritche Taquin, 39 years old, Ricardo Sumilla, 61 years old, Roger Cailing, 49 years old, Rammie Bacala 40 years old, Ernesto Ayuman 37 years old, ug Joselito Cabaluna, 29 years old.
Ang maong mga suspect, gidakop sa Joint Operation sa CIDG, pinasikad sa upat ka search warrant, nga gi-issue ni Judge Mirabeaus Undalok, Presiding Judge sa Regional Trial Court Branch 43 sa Gingo-og City.
Ma-oy target sa search warrant ni Judge Undalok, sila si Mrs. Gertrudes, ug iyang anak nga si Reggan.
Sigon sa search warrant ni Judge Undalok, ang inahan ug anak, nga Salvaleon, gi-accused sa violation of republic act 10591, nga “comprehensive fire arms and Ammunition regulation Act”., ug violation sa Republic Act. 9516, ang illegal possession of Explosive.
samtang
Sa dihang gi-search sa CIDG, ang duha ka balay sa pamilya Salvaleon, walay explosive, ug walay armas., sulod sa balay sa maong pamilya.
Apan ang mga armas nga nakuha sa CIDG, gikan sa unom ka mga CAFGU, ug duha ka Civilian Guard sa pamilya Salvaleon.
Lakip sa mga arms nga nakuha sa reading team gikan sa Possession sa mga CAFGU ug duha ka civilian Guard naglakip sa upat ( 4 ) ka M-16 armalite riffle, duha ( 2 ) ka M-14 riffle, duha ( 2 ) ka .45 Caliber pistol, ug usa ( 1 ) ka KG-9 machine Pistol.
Nakuha usab a raiding team ang daghang mga bala, lakip mga Magazine, gikan sa mga CAFGU ug duha ka Civilian guard sa pamilya Salvaleon.
Matud ni Christopher ug Mario Pagara, nga ang Usa ka 45 Caliber Pistol, ug Usa ka KG-9 Machine Pistol, nga na-a sa ilang possession, dili ilang armas, apan iya kini sa Pamilya Salvaleon, nga gipagamit lamang kanila, aron ilang batayan ang Ancestral House ug Tindahan sa maong pamilya.
Samtang ang umon ka mga CAFGU, lakip sa gidakop ug gi-disarmahan sa CIDG, kay ngano nga didto sila nag-guwardiya sa Pamilya Salvaleon sa barangay Malanaga, nga ang ilang detatchment sa 58 IB tu-a ra sa barangay Mat-i lungsod sa Claveria.
Matud ni Oclarit, nga ang maong mga suspect, mag-atobang sa kasong illegal possession of fire arms and Ammunition, ug violation sa Comelec Gun ban, kon dili sila maka-pakita sa supporting documents sa ilang pagdala ug armas nga nag-guawardiya sa pamilya Salvaleon
Ang maong mga suspect gi-detain karon sa CIDG.
