ASEAN: Sulbad sa komon nga suliran

14

Davao City – Kun gitinguha nato ang hingpit nga kasulbaran sa mga dagkung hagit ug suliran nga atong masugata sa atong modernong panahon, gikinahanglan nato ang regional cooperation sa mga kanasuran sa Asya-Pasipiko.

Sa morning primetime radio social commentary program nga ‘Straight to the Point,’ gibatbat ni Ateneo de Davao University (ADDU) political science Prof. Ramon Beleno III nga adunay halapad nga implikasyon ang pag-host sa atong nasud ning mahinungdanong regional cooperation summit.

Pipila sa mga dagkung epekto anaa sa trade and commerce kun sa pamatigayon, economic development, common regional problems sama sa terrorism, drug trade, human trafficking ingon man ang pagmontar sa usaka Code of Conduct nga maoy mogiya sa mga players diha sa West Philippine Sea issue.

Sa pikas bahin, gisugilon usab ni political analyst Prof. Ed Tayao nga ang panagtagbo sama sa ASEAN daku ug tabang haron mapalig-on ang Southeast Asian region isip usaka regional block diha sa mga global or international fora sama sa pagkab-ot ug mas maayong trade agreement uban ang uban pang mga major world players sama sa European Union (EU) ug ang gitawag nga Group of Seven kun G7.

Ang G7 gilangkuban sa mga nagmalamboong kanasuran sama sa Canada, France, Germany, Italy, Japan, United Kingdom ug United States.

Ang ASEAN gilangkuban sa mosunod nga mga member states: Brunei Darussalam, Cambodia, Indonesia, Lao Peoples Democratic Republic, Malaysia, Myanmar, Philippines, Singapore, Thailand ug Vietnam.
RadyoMan June Duterte

Facebook Comments