BACOLOD CITY – Dungan nga pagasaulugon sini nga tuig 2018 ang Ash Wednesday ukon Miyerkules Badlis sa adlaw sang mga tagipusuon ukon Valentine’s Day.
Sa maabot nga February 14 patigayunon ang Ash Wednesday uko badlis nga simbolo naman sa pagsugod na sang Lenten season ukon kwaresma sa Kristiyanong Katilingban.
Ang Ash Wednesday, adlaw sang pagpu-asa sa opisyal nga pagsugod sang kwaresma kag ginapatigayon 46 ka adlaw antes sang Easter kag mahimo nga matabo as early as February 4 kag as late as March 10.
Suno sa Catholic Church ang Ash Wednesday isa ka reminder sa pumuluyo nga: “From Dust You Came, and To Dust You Shall Return”.
Ginapatigayon ang badlis pinaagi sa pagbutang sang abo sa agtang sang tawo bilang patimaan nga gina-ako sang isa ka tawo ang mga sala nga nahimo sini kadungan sang pagpangayo sang kapatawaran.
Kag bangud nga nagdungan karon ang badlis kag Valentines, ayhan may plano na ang mga practicing Catholics nga ipaiway na lang anay ang romantic nga “steak dinner” kag unahon ang pagpa-badlis?
Or pwede man, i-postpone anay ang Valentines or sa mga excited pwede man ma-advance ang celebration./ Mymy Alagaban photo
