Agi’g kooperar sa Department of Agriculture (DA) pinanguluhan ni Candelaria Donasco, nagmalampuson ang maong pagpang-apod-apod og mga farm inputs ngadto sa Pigbuligaan Farmers Association diin nakadawat og duha ka mga weaving machines, upat ka mga manual ploughing machines, ug 500 ka sako sa organic fertilizers.
Muabot sa 40 ka mga mag-uuma ang makabenipisyo sa maong gidonar nga ayuda diin dako nag katabang kanila isip dugang panginabuhian ug pagsustenar sa ilang panginahanglanon sa adlaw-adlaw.
Mapasalamaton si Yano Yano Domino, Presidente sa maong asosasyon, sa gipanghatag nga makina ug abono, diin sumala pa makatabang na sa ilang gikinahanglan.
Ang Pigbuligaan Farmers Association usa ka independenteng asosasyon nga gi-organisa sa kasundaluan adtong Marso 8,2021 pinaagi sa Community Sustainment Team (CSP).
Gilangkuban kini sa mga kanhi miyembro sa rebeldeng New People’s Army (NPA), mga Indigenous People’s (IPs) ug mga marginalized sector sa komunidad .
