Gisiguro sa Misamis Occidental Provincial Police Office ang bulag ug impartial nga imbistigasyon sa kamatayon ni kanhi Ozamis City Councilor Ricardo “Ardot” Parojinog.
Matud ni Police Col. Danildo Tumanda, nga gilayong miresponde ang kapolisan sa Ozamis City Police human makitang wala nay kinabuhi si Ardot sa iyang selda niadtong Sabado sa buntag.
Tungod kay wala na kini miresponde sa gihimong first aide procedure kaniya, gidala na gilayon sa duol nga hospital si Ardot.
Basi sa eksaminasyon sa usa ka doktor sa city health office, migawas nga cardio pulmonary arrest secondary to cardio vascular disease ang hinungdan sa kamatayon ni Parojinog.
Mahinumdoman, nga kasamtangang gi-hearing ang kaso ni Ardot sa Ozamis City Regional Trial Court kalabot na sa mga kaso sa ilegal nga droga ug pagsupak sa Anti- Pilferage law.
