Mobalik na og tingog sa dxCC-RMN Cagayan de Oro ang nailang hard-hitting radio commentator nga si RadyoMaN Zaldy Ocon sugod karong Pebrero 15 ning tuiga.
Si Ocon nagsilbi usab karon sa katawhan sa Cagayan de Oro City human napiling number one City Councilor niadtong 2016.
Mabati si RadyoMaN Zaldy sa programang Straight to the Point alas sais hangtud alas nuebe sa buntag, Lunes hangtud Biyernes.
Si RadyoMaN Zaldy nagsugod og tingog sa dxCC-RMN niadtong Pebrero 1998 isip reporter.
Gani siya ang nahimong reporter sa area kung asa nahagsa ang Cebu Pacific Flight 387 niadtong Pebrero 2, 1998 sa Mount Sumagaya, Claveria, Misamis Oriental.
2001 nagpapili isip City Councilor apan napildi tungod kay naa lamang siya sa ika 13 sa mga napili sa katawhan apan nipadayon sa iyang pagka-komentarista sa radyo.
2004 nga eleksyon subling nagpapili isip City Councilor ug didto na nagsugod sa pagsilbi sa katawhan apan nagpabilin isip komentarista.
2007 hingpit niyang gipili ang pagserbisyo sa katawhan human subling nagpapili isip City Councilor ug gibutang sa katawhan sa ikalimang pwesto.
2010 nagpapili isip bise-mayor sa Cagayan de Oro apan napildi.
Ug human sa kapin napulo ka tuig, mobalik na og tingog sa dxCC-RMN si Agong / RMN Zaldy nga ilhon na karon isip RadyoMaN Zaldy Ocon.
