Wala nay makapugong sa Misamis Oriental Provincial Capitol nga mag-host sa umaabot nga National Convention sa Association of Tourism Officers of the Philippines kon ATOP nga ipahigayon sa Oktubre tres hangtud sais sa Luxe Hotel sa Limketkai Center.
Matud ni Governor Yevgeny Bambi Emano nga mi-confirm na sa ilang imbistasyon si Congresswoman Cora Malañaon nga Chair sa Committee on Tourism sa House of Representative, Senator Cynthia Villar ug Tourism Secretary Romulo Puyat.
Giangkon usab ni Governor Emano nga iya usab nga gi-imbitar si Presidente Duterte nga maoy guest speaker sa maong okasyon.
Apan ang problema matud ni Emano nga wala pay kumpirmasyon sa Malakanyang.
Matud ni Governor Emano nga nagpadala na silag communication pinaagi sa staff ni Secretary Bong Go.
Naglaom ang Gobernador nga mahatagan sa pagtagad ni Presidente Duterte ang national convention sa Association of Tourism Officers of the Philippines.
