Sa Disyembre 20 pa tugutan makadisplay sanan makabaligya nan paboto sanan kutob ra isab sa Enero 2,2018. Ini amoy naaprubahan sa third and final reading sa mga sakop sa konseho sa syudad dungan sa pag amyenda nan isa ka ordinansa na tagpasar ni Kagawad Jun Edradan. Sumaya pa na sunod pa gajud semana makadisplay sanan makabaligya an mga buot magnegosyo nan paboto sa pagsugat sa kapaskohan sanan bag ong tuig! Isa rasab ka lugar o may designated area an tagtugot diin adto makabaligya an mga negosyante nan paboto. Dugang pa na dili isab matugutan an mga negosyante na makabaligya nan paboto o pyrotechnics devices kon way ila mga retailer’s permit na maipakita sanan kuhaon gikan sa mga hingtundang ahensya pareho sa Firearms and Explosives, Bureau of Fire Protection, sanan PNP Regional Office , ini para malikayan an mga delikado na paboto na madisplay o mabaligya sa publiko. (RadyoMaN Jocelyn Ferol)
