BACOLOD CITY – Patay ang isa ka lalaki matapos nga masunog ang iya gina-sakyan nga motorsiklo matapos naman nga makabunggo sa isa ka salakyan.
Ang biktima amo si Alex Arcanghel, residente sang Purok San Antonio, Brgy. Sum-ag, syudad sang Bacolod.
Suno sa traffic investigator sang Traffic Management Unit (TMU) nga pasado las 9 sang Sabado sang gab-i sang ginamaneho ni Arcanghel ang iya motor sa dalan Araneta sang makapunggo ini sa isa ka pribado nga salakyan.
Base sa inisyal nga imbestigasyon, ang biktima ang halin sa Sur padulong sa Norte sang naglapaw ini sa linya sa diin naka-bunggo naman ini sa iya sa sugata nga Mitsubishi Delica nga gina-drive Jomer Arevalo, 37 anyus, residente sang banwa sang San Enrique.
Bangud naman sa impact, naglupok kag nasunog ang motor sang biktima sa diin naka-angkon ini ang pilas partikular ang duwa sini nga ti-il.
Gilayon nga gin-dala ang si Arcanghel sa Regional Hospital apangt ginbawi-an naman ini sang kabuhi kahapon sang udto. (Photo by Bryant Dudero via PNP Bacolod)
