Si Atty. Sally Hans Barbaso, ang assistant Regional Director sa National Bureau of Inveetigation sa Region 10 mao karun ang natudlo isip bag-ong director sa NBI Caraga.
Puli kini ni Director Minor nga mag retiro na aa serbisyo karung bulan sa Disyembre.
Sa pag assume ni Atty. Barbaso temporaryong gi lockdown ang buhatan sa National Bureau of Investigation (NBI) Caraga human nagpositibo sa COVID 19 basi sa resulta sa RT PCR Test ang usa ka empleyado niini human gikuhaan sa swab test.
Kini ang nasayran sa RMN DXBC Butuan pinaagi sa pakighinabi sa bag ong NBI Regional Director Atty. Sally Hans Barbaso.
Matod sa opisyal nga human sa ilang gihimong turn over ceremony kagahapon nagpagawas gilayon siya ug kamandoan basi sa guidelines sa ilang head office.
Tungod niini e suspende una ang pag process sa NBI clearance tungod sa ilang himoong pag disinfect sa ilang opisina ug sa ipahigayong contact tracing.
Samtang wala pa nasayri kung hangtod kanus-a pweding mabalik ang ilang operasyon apan gibutyag ni Atty. Barbaso nga pinakadugay na ang duha ka semana depende kung mahuman na ang pag disinfect ug contact tracing.
Photo by engr camarin
