Sigma, Capiz – Nagparekord sa Sigma PNP ang duha ka mga auditor sang bangko(OKBank Inc.) matapos ginsulod sang wala pa makilala nga mga kawatan ang gina-okupahan sang mga ini nga kwarto sa lodge nga nahamtang sa Poblacion Sur banwa sang Sigma .
Suno sa mga biktima nga sanday Edcel Kibit y Datubo, 24-anyos sang Dingle, Iloilo kag Jay Dimabibas sang San Rafael, Iloilo nag-check in ang mga ini sa Santiago kun sa diin nadula ang ginapanag-iyahan sini nga laptop.
Nag-agi ang kawatan sa sliding window sang kwarto kag didto ginkuha ang laptop nga nagabalor sang P16, 000 pesos, kahita nga may cash nga P5,100 pesos, bankbook kag mga ATM cards kag iban pa nga mga kagamitan.
Padayon pa ang imbestigasyon sang mga kapulisan sa amo nga insidente.
Facebook Comments
