Gikalipay usab sa lokal nga kagamhanan ning syudad ang nadawat nga mga pasidungog sa Cagayan de Oro City Police kon COCPO gikan sa rehiyonal nga buhatan sa Police Regional Office kon PRO 10.
Gi-presentar ni Kagawad Enrico Salcedo ug Acting City Administrator Teddy Sabugaa Jr ang mga awards ngadto kang City Police Director Henry Dampal atol sa flagraising ceremony sa city hall niadtong Lunes.
Ang COCPO napiling ‘Best City Police Office”, Police Station 5 sa Macabalan isip “Best City Police Station”, “Best Component Unit” ang COCPO Mobile Force Company ug “Best Junior PCO for Operations” si Police Major Lexy Tonido.
Mahinumduman nga ang maong pasidungog gitunol atol sa 118th Police Service Anniversary niadtong Septiyembre 16, 2019 sa PRO 10 Headquarters sa Camp Alagar ning syudad.
