‘’Land dispute’’ ang gitan-aw nga motibo sa pagpusil patay kang Atty. Nicolas Gomez sa Valencia City, Bukidnon.
Kini ang gikompirmar ni Police Lt. Col. Surki Serenas, Chief of Police sa Valencia City Police Station sa Bukidnon.
Nasayran nga gipusil ang biktima sa riding in tandem ug gipalawman pa sa kapolisan ang imbestigasyon sa kamatayon niini.
Nasayran nga walay pinuy-anan sa Bukidnon si Atty. Gomez, apan aduna kini yuta sa Maramag, Malaybalay ug Valencia.
Gikabutyag nga nagbaklay lamang ang biktima dihang kalit kining gipusil sa mga suspek nga nagsakay sa motorsiklo.
Matud ni Lt. Col. Sereñas nga sa karon anaa na sila sa proseso sa pagpasaka og kaso sa mga suspek base na usab sa mga nakasaksi sa kremin.
Facebook Comments
