CANLAON CITY, NEGROS ORIENTAL – Wala gid naglaum ang isa ka hinablos nga ini siya ang matiruhan bangud nga ang tuyo gid lamang niya kuntani amo nga tambagan ang iya naga-away nga tiyo kag tiya.

Ini matapos nga natiruhan ang biktima nga si Danny Latornas, 44 anyos ang edad, kasado kag pumuluyo sang Brgy. Masulog, Canlaon City.

Suno sa biktima nga pasado las 9 kagab-i, iya nakita nga naga-away ang iya wala ginhingadlan nga tiyo kag tiya gani ini ang iya ginpalapitan agud kuntani nga tambagan.

Apang wala siya naglaum nga malupok ang gina-uyatan nga armas sang iya tiyo kon diin aksidente siya nga naigo sa tiyan.

Sa karon padayon nga ginabulong sa Corazon Locsin Montelibano Memorial Regional Hospital ang biktima./dyHB BACOLOD