South Cotabato – ospital ang gidangatan sa usa ka biktima human kining nadunggaban gumikan lang sa inum sa may Purok Julason, Barangay Lamian, Surallah, South Cotabato.
Biktima giilang si Raul Ruiz Dela Cruz, 39, single, laborer lumulupyo sa maong lugar, samtang ang suspek giilang si Albert Dela Cruz, mag-uuma, residenti sa samang Barangay.
Sa inisyal nga imbistigasyon sa Surallah Municipal Police Station nasuta nga nag-inum ang biktima ug ang suspek. dihang nahubog, didto na naglalis tungod lang sa estorya nga misangko sa pagpanunggab.
Paspas nga misibat ang suspek human sa krimen nga gihimo, samtang ang biktima, gilayon gidala sa iyang mga kabanay sa pinakaduol nga ospital. Sa karon padayon ang gihimong imbistigasyon kalabutan sa insidenti.
