*Giklaro ni Police Supt. Gerry Tambis, ang Hepe sa El Salvador, Municipal Police Station nga dili drug addict ang nakapatay sa usa ka 65 anyos nga lola sa Purok 6, Talakagan sa maong lugar, kondili adunay deperensiya sa pangisip. *
*Matud ni Supt. Tambis nga ang suspek nga si James Lou Ragot alyas ‘’botsoy’’, 34 anyos ang na rehab kaniadto sa Maramag, Bukidnon tungod kay napasmohan. *
*Dugang pa ni Supt. Tambis, nga nag-inum pa ang suspek ug ang anak sa biktima, apan dihang miuli na kini nga hubog, mihapit kini sa balay sa biktima ug kalit nga gibunalan og bug-at nga kahoy ang maong lola, hinungdan sa kamatayon niini. *
*Nasayran nga tukar-tukar usab ang maayong pangutok sa suspek, tungod kay adunay higayon nga insakto kini manubag.*
*Samtang naila na matud pa ang suspek sa lugar nga ‘’turiring’’ o adunay deperensiya sa pangisip. *
*Matud ni Supt. Tambis, nga sa karon luwas na peligro ang kahimtang sa bana sa biktima nga si Domingo Acuno, 80 anyos, kinsa pabiling nagpaayo sa hospital, human kini makaangkon og bun-og sa lawas. *
*Dugang pa ni Supt. Tambis nga detinado na karon sa ilang buhatan ang suspek, human kini nila madakpan sa gihimong follow up operation. *
*Samtang gipasaka na usab ang kasong ‘’murder’’, batok sa suspetsado. *
*By; Radyoman Aiza Enloran *
