BACOLOD CITY – Pagatingwa-an naman sang Ayala Capitol Central Mall nga mag-bukas sa bulan sang Oktubre sini nga tuig, ihingagaw naman sa 2018 Masskara Festival.
Suno kay Councilor Ceasar Distrito nga nagpangayo sang approval gikan sa Sangguniang Panlungsod ang Ayala bangud nga ang second tubtob fifth floor sang ila nga mall ang himu-on naman nila nga IT Zone.
Bangud sini, kapin sa 4,500 ka trabaho ang ma-generate sang IT Zone sa sulod mismo sang Ayala Mall, magluwas pa diri ang kapin sa 6 mil ka job oppurtunities sa IT Park sa likod naman sang Seda Hotel.
Pahayag ni Distrito nga nagpangayo ang Ayala sang favorable endorsement gikan sa syudad bangud requirement ini sa ila nga PEZA Accreditation Application.
Samtang, ginpasalig man sang Ayala nga may yara sila sang safety measures para sa ila agents sa ti-on nga himu-on nga call center ang pila ka bahin sang mall.
