Swerte’s Guide: Kung adunay pagsalig nga mupilit kanimo ang swerte, kinahanglan apilan kini og pag-meditate ug pag-ampo. Salig niining atoang mga giya apan hunahunaa baya nga giya lamang kini. Ang kakugi ug pagsalig sa kaugalingon ug paghangad ngadto sa kahitas-an maoy mutoboy kanimo sa usa ka anindot nga kinabuhi.
ARIES: (Marso 21-Mayo 19) – Sa oras na makahibaw nata sa mga butang, mawala ang atong interes niini. Ang imong imahinasyon karon musalom sa lalom hangtod matungkad nimo ang kinahanglan mahibaw-an ug kini muhatag nimo ug di susamamg interes nga wa pa nimo masinati, makatabang kanimo pag-abot sa panahon ang imong bag-ong nadiskubrehan.
TAURUS: (Abril 20-Mayo 20) – Makahimo ka ug tukma nga ebalwasyon base sa imong nadungog ug nakita, apan daghan ka pa ug gusto mahibaw-an tungod nga wala pa nasulti kanimo. Gahini og taas pang oras, muabot ang mga ensaktong impormasyon na imong kinahanglan.
GEMINI: (Mayo 21-Hunyo 21) – Dakong tabang ang imong pagkamadasigon aron masolbad ang mga imposible nga dugay na nimong gusto malampasan. Dakong kalamposan apilan sa imong ka-aresibo, ang imposible mahimong dakong posibilidad.
CANCER: (Hunyo 22-Hulyo 22) – Panahon na nga dili magpadala sa imong limitasyon, dugay naka nakulong sa imong pagduha-duha na tubangon ang mga sitwasyon. Oras na imo kining putlon aron magmalampuson.
LEO: (Hulyo 23-Agosto 22) – Ayaw padala sa mga negatibo gikan sa imong palibot. Ang pagduda na di ka magmalampuson ang mahimong babag sa imong makab-ot na kadaugan.
VIRGO: (Agosto 23-Setyembre 23) – Ang hugot na pagkupot sa usa ka sitwasyon ug pagkontrola niini magdala ug dili kaayuhan. Abrihi imong panghunahuna ug paghakop sa mga bagong ideya ang dakong tabang karon. Makita nimo ang hapsay nga dagan, ang paghatag ug dugang pasensya ang tukmang pagkabuhaton sa karon.
LIBRA: (Setyembre 24-Oktubre 23) – Hapit na gyud mo abot ang higayon nga dugay ra gyud nimong gipaabot. Ayaw og sugot nga dili kini mahinayon sa usa lang ka gamay nga rason. Mao nang buhata gyud ang tanan, paningkamot og maayo og labaw sa tanan ang pagsalig sa imong kaugalingon.
SCORPIO: (Oktubre 24-Nobyembre 22) – Naa tay mga gusto ug dili gusto sa atong kinabuhi. Kining mga butanga adunay lainlaing rason nganung inana ang atong pagtan-aw niini. Para mas masabtan gyud nimo, dapat magpaka honest ka sa kadaghanan labaw na sa imong kaugalingon. Galibog na gani ka, imo pa gyud libogon ang imong hunahuna.
SAGITTARIUS: (Nobyembre 23-Disyembre 21) – Walay laing nakaila nato sa atong kaugalingon kundi mismo ang kita ra gyud. Gi judge ka man sa uban apan wala gyud nila mahibaw-e kung unsa gyud ka. Karong adlawa, naa kay madiskobre bag-o sa imong kaugalingon nga ikaw ra pud ang mahibaw. Mao nang dili magpadala sa mga istorya sa mga tao kay daghan na og mga hilabtanon aning kalibutana.
CAPRICORN: (Disyembre 22-Enero 19) – Ang pagsalig sa imong kaugalingon ang imong kinahanglang buhaton karon. Naa kay right og kahibalo ka mismo kung unsay kamatuoran. Ayaw og kahadlok sa mga istorya nga makapadismaya sa imoha kay naa ka katarungan. Kay basin madala napud ka sa atik pareha sa gibuhat sa imong uyab nimo.
AQUARIUS: (Enero 20-Pebrero 18) – Naa man mo dayeg sa imoha nga wala nimo damha apan dili ra kaayo ni makapaapekto sa imoha. Naa ra gyuy sakto nga panahon nga anaay mo dayeg sa imoha gikan sa usa ka tao nga maoy hinungdan na mo encourage og makapa inspired sa imoha. Mura ra og gugma ba, dili dayon ta mo too sa sinugdanan.
PISCES: (Pebrero 19-Marso 20) – Ikaw mismo ang makadiskobre nga imong nakita na daghan gyud diay ang mga tao nga ni suporta sa imoha. Bisag unsa pana nga sitwasyon sa imong kinabuhi, angay kang magpasalamaton aning mga tawhana kay wala gyud ka biya-e nila. Mas ni biya pa og una ang imong uyab kaysa imong barkada.
Mao kadto ang atoang LeenoWag Horoscope alang sa adlaw nga Martes, Agosto 13, 2018. Hinumdumi kanunay nga ang tinud-anay nga swerte sa kinabuhi anaa sa atoang mga kamot. Kining tanan mga Swerte’s Guide lamang. Tinubdan: www.proastro.com. Photo gikan sa web. (Sinulat ni DJ Leeno Gaw ug Boss Luwag)
