Maga-atubangay ang top seed nga FC Meralco Manila batuk sa Global Cebu FC samtang magabunggu-anay naman ang Ceres Negros FC kag Kaya FC Makati sa home-and -away semi-finals sang Philippines Football League.
Ini matapos lutuson sang Global Cebu FC ang Ceres Negos FC, 2-0 sang nagligad nga gab-i sa Cebu City Sports Complex para sa final standings sang mga hubon sa inaugural season sang PFL.
Nag-score si Rufo Sanchez sa 7th minute antis gin-doble ni team captain Misagh Bahadoran ang abanse sang mga Cebuano sa 33rd minute sang hampang.
Natalana sa Disyenbre 3, alas 4 sa hapon sa UMAC Makati ang una nga Semi-final match sa tunga sang Kaya FC kag Ceres Negros FC samtang sa Disyembre 9, alas 7 sa gab-i hiwaton naman sa Panaad Sports Complex sa siyudad sang Bacolod ang ikaduha nila nga semi-final match.
