General Santos City–Padayong ginaila karon sa traffic management unit ang identy sa usa ka babae nga na hit and run sa area sa diversion road niadtong milabay nga gabie kung asa nakabsan kini sa iyahang hinulamang kinabuhi.
Sumala pa ni Police Corporal Jeorey Celosia ang imbistigador sa maong kaso nga sa karon wala silay makita nga mga dukumento nga psoibleng muila sa nasangpit nga biktima ingon man wala man usay naka-ila niini sa Barangay Sinawal kung asa kini naligsan sa wala masayring matang sa motorsiklo.
Gani nanawagan ang kapuilisan karon sa mga pamilya nga nawad-an ug kabanay nga wala nakauli sa ilahang panimlay nga sutaon sa buhatans a TMU o dili ba kaha sa Punerarya ang patayng lawas sa biktima.
Nasayran nga nagsul-ob ug blue nga jacket ug brown nga pantalon ang nasampit nga biktima.
Samtanmg giangkon man usab ni Corporal Celosia nga sa kasamtangan nag lisod pa sila sa pag- ila sa responsible nga mibangga sa biktima tungod kay wala matud pa naklaruhan sa witness ang plate number sa motorsiklo sa suspek.
Gani ilaha na usab nga gilibot ang tanang mga hospital sa Gensan tungod basin ug napacheck-up o nagpaospital ang suispetsadong responsible sa krimen apan kini negatibo. Nasayran nga base sa pahayag sa witness posibleng naangol usab ang suspek human nga natumba ang motorsiklong gimanihuan niini dihang nabanggaan ang biktima.(Dave Silagan)
