General Santos City–Gikumperma ni Police Major Rexor Canoy ang tigpamaba sa General Santos City Police Office nga nagkanihit na gayud ang supply sa iligal nga droga sa syudad sa Gensan tungod sa walay puas nga operasyon sa kapulisan batok niini.
Sumala pa ni Major Canoy nga makita matud pa sa mga resulta sa ilahang mga operasyon ang pag-ubos sa supply sa droga sa Gensan tungod kay nagkamahal na ug nag kalisod na matud pa kini pangitaon.
Dugang pagbutyag niini nga basi sa ilahang nahimong mga operasyon kasagaran sa mga dinakpan nga naga pamaligya ug iligal nga droga ang dayo nalang sa syudad gikan sa ubang probinsya.
Samtang nagpabiling Maguindanao ug ubang parte sa BARMM naggikan ang mga droga nga makalusot dinhi sa syudad.(Dave Silagan)
Facebook Comments
