*General Santos City—*Dead on arrival nga Soccksargen County Hospital usa ka 22 anyos nga babaye human gidunggab sa iyang live-in partner, damay usab ang duha niini ka mga amiga samtang sila anaa sulod sa video-k bar sa may Ordona St., Barangay Lagao, Gensan.
Giila ang biktimang namatay nga si Lyka Solivio, 22, residenti sa Purok 6, Barangay Tinagacan. Samtang ang mga nasamaran giilang silang si Alyas Karing, 15, residenti sa Jose Abad Santos ug alias Jennelyn, 17, residenti sa Barangay Alegrea, Alabel, Sarangani Province.
Sa inisyal nga imbistigasyon sa Bula Police Station, nasuta nga naabtan sa suspek nga si Arnel Marquez, legal age, residenti sa barangay Tinagakan ang biktimang si Lyka sulod sa imnanan alas 7:00 ang takna kagabie.
Kalit lang nga giduol sa suspek ang nasangpit dayon gidunggab pila ka higayon, gisuwayan ug tabang sa duha ka minor de edad ang biktima mao nga sila apil nadunggaban.
Paspas nga gidala si Lyka sa ospital apan wala na kini kinabuhi dihang nakaabot sa ospital. Luwas na usab sa kuyaw nga kahimtang an g duha ka mga minor de edad kansa nadala usab sa ospital human sa insidenti.
Kulatado ang suspek nga si Marquez human gitabangan ug kulata sa mga residenti sa lugar. Depensa niini sa iyang kaugalingon nga dili na niya maagwanta ang ginahimo sa iyang live-in partner nga mangita pag laing lalaki bisan nga sila nag ipon na.
pag-angkon niini nga pila na kahigayon nga iyang nasakpan ang nasangpit nga babaye nga nakig-table sa laing lalaki sa Video-k bar, pila na usab ka higayon nga iyang gipahimangnuan ang nahisgutan nga dili na usbon apan inay mupatuo, padayon gihapon si Lyka sa iyang ginahimo. Nagmahay hinuon ang suspek apan uwahi na ang tanan tungod patay na ang iyang live-in partner.
