Babaye gipapriso sa PSG

795

Davao City – Gikustodiya karon sa Talomo PNP ang usa ka quality assurance manager giilang si Farina Comia Ali, 28 anyos, taga Makati City human nga wala kini mipatoo sa usa ka awtoridad.


Bandang alas-7:00 pasado sa buntag samtang si Ali nahidangat sa usa ka mall sa Quimpo Blvd, usa ka Staff Sargeant Alexis Sargado Beniga, taga-General Santos City, miyembro sa Philippine Army ug naka-destino isip Presidential Security Guard (PSG) nag-escort sa nailhang common law partner ni Pres. Rodrigo Duterte alang sa walking exercise sa maong lugar.

Niabot niadtong tungora si Ali sakay sa usa ka Ford Eco Sport diin gisilbato-an sa maka upat nga higayun ang maong PSG operative.

Giduol kini sa maong personahe ug gipasabot nga aduna silay VIP nga gi-escortan apan nagmagahi ug wala mitoo sa nagpailang awtoridad hinungdan nga gipakustodiya siya sa Talomo PNP.

Kasong ‘disobedience of person in authority’ maoy atubangon ni Ali.

RadyoMaN Paul Canono

Facebook Comments