Davao City – Mingpatala sa kapolisan si alyas ‘Gemma’, 34 anyos, residente sa Brgy. 37-D Artiaga Ext., syudad sa Davao, aron mopasaka og kaso sa suspect nga si Grace Corona human nadakpan sa kapolisan pinaagi sa entrapment operation sa Davao City Police Office (DCPO) kagabii.
Sumala pa sa complainant niadtong niaging tuig bulan sa Nobyembre, gi-agni sa iyang suod nga higala nga mo-invest sa usa ka lending bussiness nga gidumala sa suspect.
Matud ni Gemma, gipasaligan sila sa suspek nga kun mo invest sila sa kantidad nga 5,000 ka pesos mo interest ang salapi ug 2,000 ka pesos sulod lamang sa lima ka adlaw. Tungod nakombinse ang complainant mihatag sila og kwarta nga kantidad 175,000 ka pesos, apan wala matuman ang saad ni Corona ug gi-rason ang mga holidays.
Apan nakurat na lang ang complainant nga iya na lang nakita pinaagi sa Facebook nga gidakop na ang suspek sa mga kapolisan, hinungdang mipatala sa kapolisan aron moreklamo ug motestigo batok sa dinakpan.
RadyoMaN Paul Canono
