Babaye nga 46 anyos gipusil, patay

44

Dumalinao, Zamboanga del Sur – Nakabsan sa hinulaman nga kinabuhi ang usa ka babaye human kini ang gipusil didtong dapita sa Purok Madasigon, Barangay Pag asa, Dumalinao, Zamboanga del Sur, alas 7:30 ang takna kagabii.
Naila ang biktima sa pangalan nga si Carmelynda Revilla Daud, 46 anyos, babaye, usa ka vendor, minyo ug residente sa Purok Alang alang, Barangay Pinig Libano, Dumalinao Zamboanga del Sur.
Gipusil kini sa usa ka akusado nga nagngalan og Jonathan Peublas Batuc aka “JOJO”, lalake, hingkod ang panuigon, mulupyo sa Barangay Madasigon, Dumalinao, Zamboanga del Sur.
Dali kini nga gerespondihan sa mga kapulisan sa Dumalinao Municipal Police Station human sila nakadawat og impormasyon sa usa ka concern cetezen.
Sumala pa sa imbestigasyon sa nasayran nga ang biktima naglingkod kini sulod sa tindahan nga gipanag-iyahan ni Jesusa Banes Alcaria, sa dihang miabot ang suspetsado og mipusil ngadto sa biktima sa walay igong hinungdan.
Nakahiagom ang biktima ug igo sa tuo nga bahin sa iyang dughan ug misulay pa unta kini sa pagawas sa tindahan apan gisundan kini sa suspetsado ug gipusil kini sa ulo nga bahin nga iyang gikamatay.
Narekober sa dapit hitaboan ang usa FCC sa kalebre 45 nga pistola og tulo ka bala niini.
Padayon pa sa pagkakaron ang gipahigayon nga operasyon ug imbestigasyon sa mga kapulisan sa Dumalinao batok sa suspetsado aron kapasakaha sa tukmang kaso.
Gituhuan karon sa mga otoridad nga personal nga bangi ang hinungdan sa maong kremen.

Facebook Comments