Pagadian City – Anaa na karon sa luwas ng kahimtang ang usa babaye human malampusong na rescue sa otoridad kinsa misaka ibabaw sa dakong punuan sa kahoy kagahapon sa hapon.
Nasaksihan sa publiko atbang sa City Hall ning syudad ang pagtungtong sa maong babaye ibabaw sa kahoy nga nakapaguliyang kanila.
Aminado si CDRRMO head Richard Fabria nga naglisod sila sa pagrescue. Gisulayan matud pa nila sa paghangyo ang maong babaye nga mokanaog apan mihangyo hinoon kini nga paandaron una ang dancing fountain. Human sa pagpaandar, imbis nga mokanaug, mitindog hinoon kini ug misayaw tongtong sa sanga sa kahoy hinungdan nga nadugangan ang kahikurat sa publiko ug sa mga rescuer.
Mikabat pa sa pipila ka mga minuto ayha nakuha gikan sa nahimutangan ug na-rescue pinaagi na usab sa paggamit sa boom truck.
Gikompirmar sa personahe ni Pabria nga residente kini sa syudad sa Pagadian. Gibana-banang anaa sa 20 anyos ang pangidaron ug possible matud pa kini nga walay tarung kaon ug napasmohan. Human na rescue sa otoridad, dali kining gidala sa Zamboanga del Sur Medical Center arun mahatagan sa hustong pagtambal.
Padayon pa nga gisuta sa RMN News team ang detalye ug pangalan sa maong babaye lakip na sa hinungdan sa iyang pagsaka ngadto sa dakong punuan sa kahoy.
(Photo credit to the Owner)
