Posible ginhimuslan ang babaye nga nasapwan patay sang Lunes sang aga kag wala na sang pang idalum nga panapton.
Suno sa kay PCINSP West Edquilla, ang forensic medico-legal sang SOCO nga nag conduct sang autopsy, may ara sang old hymenal laceration ang biktima apang wala sang may nakit-an nga bag-o nga pilas sa iya kinatawo.
Subong man, apesar wala sang fresh wounds, posible sa gihapon nga ginhimuslan ang biktima ukon may natabo nga vaginal penetration bangud sang flexibility sang sex organ sang babaye nga pwedi mangin rason kun nga-a wala sang may nakit-an nga bag-o nga pilas sa iya kinatawo.
Nahibaluan, ginpatigayon na ang autopsy sa bangkay ni Merlyn Villamar, 26 anyos, duha (2) ka adlaw ang nag ligad matapos ini ang makit-an nga hublas kag partially submerged sa may tubig nga canal sang Hda. Elena, Brgy. Ayungon, La Carlota City.
Suno kay Edquilla, brain truma ang gintunaan sang kamatayon sang biktima.
May nakit-an nga apat (4) ka lacerated wounds sa ulo sini nga nag buka sang iya bagul. Wala na sang iban pa nga injuries nga nakit-an sa lawas sang biktima ang mga otoridad.
Suno naman sa pahayag sang iya utod, nag inom-inom sila sang Sabado upod ang ka mga barkada nga lalaki sa isa ka ilimnan sa La Carlota City.
Suno sa iya utod, naguna pauli si Merlyn sakay sa iya Mio Sporty motorcycle pasado las onse sang gab-i, apang ini ang wala na maka-ambot sa ila puluy-an.
Lunes sang aga, nasapwan na lamang ini nga wala na sang kabuhi.
Nagapadayon ang imbestigasyon sang La Carlota PNP angot sa insidente.
(c) JPGeneroso/RadyoBandera
