General Santos City–May kalabutan sa babaye ang usa sa motibong ginatan-aw karon sa Makar Police Station sa pagpatay sa 32 anyos nga si Mujaimin Sultan Abas, nga taga Purok 9, Lanton, Brgy Apopong dakbayan sa Gensan.
Kini gibutyag ni Police Major Ananias Vasquez- Hepe sa Makar PNP. Sumala ni Vasquez nga bag-ong bulag sa bana ang babayeng nakalive-in sa biktima.
Aduna matud pay posibilidad nga giresbakan sa kanhi bana ang suspek tungod sa nahitabo sa ilang kaminyuon nga miresulta sa pagmapusil nga gikamatay sa biktima.
Hinuon gibutyag ni Major Vasquez nga luyo sa maong anggulo, wala ginapadaplin sa Makar PNP ang uban pang posibleng motibo apan ila pa karong ginaimbestigahan.
Gitin-aw ni Vasquez nga dili riding in tandem ang mitira sa biktima tungod usa ra katawo ang nakit-an sa maong lugar nga mihimo sa nasampit nga krimen.
Kahinumduman nga bandang ala 1: 00 sa kaadlawon samtang tulog ang biktima uban ang iyang pamilya gisulod sa suspetsado ang panimalay niini og gipusil. (Jordan Britos)
