Patay ang angkas sa motor human kini ang na disgrasya kagabie sa Upper Sumpong, Brgy. Indahag.
Mga alas 10:22 kagabie dihang angkas sa motor nga Honda XRM ang biktima nga si Novie Ranollo, 23 anyos nga taga Brgy. Balulang nga gi manehoan sa usa ka John Paul Paradero, 23 anyos nga taga Brgy. Canitoan.
Samtang katabo niini ang usa ka Suzuki raider nga gi manehoan sa usa ka 16 anyos nga lalake ug residente sa Brgy. Balulang, ug angkas niini ang usa ka 17 anyos nga babae nga taga Brgy. Macabalan.
Nasayran nga gikan sa Indahag road ang Honda XRM padulong sa City proper, samtang katabo niini ang Suzuki raider nga padulong sa Poblacion Indahag dihang nag bangga ang duha sa middle lane.
Basi sa imbestigasyon sa kapulisan nga nanimaho og ilimnong makahubog ang driver sa Honda XRM.
Samtang, gi determina pa sa kapulisan kung kinsa ang sad-an sa maong panagbangga.
